رئيس مجلس الإدارة : زهراء الغريباوي :::::::رئيس التحرير ومدير الموقع : محمد جميل

اخر الأخبار

إنت عايش..و أنا عايش

    إنت عايش..و أنا عايش
    بقلم : عاشق رحيل_عربي همامي
    إنت عايش..و أنا عايش
    إنت تقول ماما..وقت تريد..
    وأنا صوت أمي ما عادش
    نسمع كان صداه من بعيد... 
    خلاتني في الدنيا هايم طايش
    هزها الطريق في صباح جديد..
    وقت الفجر راحل و النور كاشش
    لا ذنب ماما لاذنبي..هالعيد 
    الي جاي يتعدالي على الهامش
    الذنب إني من سيدي بوزيد...

    أمك يفضلها و يطول في نفسها
    وأمي طروف للقبر شيعتها..
    لا نقول أمك خير مسكنها
    ولا نقول أمي الفقر قتلها...
    أمي و أمك  تقطعت صرتها
    في هاذي البلاد إلي جابتها..
    أمك الأحوال الشخصية وقفتلها
    وأمي ركوب الكماين قتلها...
    أمك أم..نبوسو التراب تحت قدمها

    وأمي التراب يلم الباقي من جثتها......
    واتساب

    مقالات متعلقة

    إرسال تعليق